釣魚大行動。

琴晚多謝Ms.lee謝食飯 =p
亦都祝各位好友跟住個A-Level考倒個好成績

食食下秋刀魚，
唔小心比條魚骨卡住左 XDDD
跟住我就入洗手間想搞搞佢啦..
點知又搞唔掂 =3=
咁我就決定唔理佢住食埋先 =p

咁繼續食啦
我就係咁食壽C..
想吐埋條骨落去..
點知又唔得 -3-
OK..算

試下飲野..
又唔得
好~唔理

食完飯之後
去左食糖水~
我就叫左個糖不甩..
食食下明明個感覺係連糖帶骨落左肚架..
勁開心 XD
點知返到屋企先發現..
仲係度 -3-

去沖涼..
試下用"水炮"..
唔OK -3-
再用牙刷
都係唔得..shit T_T

算
可能訓醒會無左...
咁就去訓啦..
訓醒
yeah!~ 唔係度喇！！
勁開心
諗住落街再買秋刀魚食過 XD
點知.. 原來只係移左位 T____T

開電腦，
上網睇人點教..
D人話飲醋就得
話咩會將條骨"軟化"左佢..
邊有咁易丫...
鏹水可能就得...
咁就再搵..

點知越搵越搞笑
有人骾雞骨、蝦殼蟹殼，
仲有乳鴿骨、燒肉、大樹菠蘿核，
甚至有人連牙刷都可以骾落去
我都唔知自己算好彩定唔好彩 XDD

原本都唔想理架喇..
點知睇睇下，
話會死人 T___T
我即驚...
咪落樓下睇私家囉..
點知... 佢話無麻醉藥
我諗.. 洗唔洗咁誇丫..
之後咪走囉..走去卜睇診所..

然後我走左去自修室...
諗住天日先算..
溫溫下..
都係頂唔順 =3=
去急症啦..

去到..
2:11分..
佢分左5級..
原來我都有第四級 "次緊急"類..
等到5點鐘，
終於有得睇喇 T___T

等見醫生果陣，
諗住學下英文..
咪睇下張急症卡有咩寫啦
好特別，卡上面有一項係寫 :
Fishbone remedy..
笑左 XD
原來好多人去睇急症都係因為咁 =p

入到去，
個醫生問左幾問，
然後就同出面個護士講 :
幫手，釣魚
我忍唔住，笑左

之後噴麻醉藥..
個醫生笑左一下話 :
丫~ 唔小心噴多左tim
我勁驚咪問佢點算，
佢話 :
哦，咁你飲落去啦
XDDDD 我再一次笑左 XD

搞掂晒~去拎藥
點知，原來係喉糖 XD
雖然好正常，
不過唔知點解，
我覺得好搞笑 XDDDDDDDDDDd

秋刀魚丫秋刀魚，
我諗緊我係咪前世得罪你..
定係前世釣魚釣左你上泥....

約定大家，
幾時再一齊去食過秋刀魚先 XDD




p.s
好耐無試過打咁多字落blog~