舞台上那些人和事

始終，我還是逃不過舞台的那種誘人魔力。結果，我還是乖乖的奉上成人劇票，再次的走進的黑色的劇場。

好了，回到正題吧！這天，我看了劇作坊的創團作品：《謎城十月》以及由一班充滿激情的年青人主演的歌舞演出《天亮2：Over the Rainbow》(實話，我不肯定作品名稱:P)。對於這兩部作品，說實話，進場前我的興趣不大(Don't hit me)，然而，由於演出或制作的部份有朋友的關係，我還是進場了。（成人票價對於一個失學失業的自修生而言，是頗為巨大的開支T____T 唉，The Merchant of Venice....）。結果，兩場也是Good Shows!

首先，由《謎城十月》說起。《謎城十月》是「劇作坊」的創團作品。(話雖如此，謎城十月的海報我卻好像早在去年便曾看過@_@)而此劇的結構主要由三個故事組成：《Love Stone》、《學校鬼上身事件簿》以及《我們倆》。

劇本的演出長度大約一百二十分鐘，亦即平均上，一個故事四十分鐘。對於這種安排，其實我是十分喜歡的！由於經驗未夠，太長的劇本我無法完整吸收，相反，若然過短，我又難以滿足。（我很煩的。）

從故事上，打頭陣的是《Love Stone》，這個故事涉及到愛因斯坦的相對論（？！編劇引用的那個理論是這個吧？我不太肯定），主要言及到我們這個世界的成立，必須有另一個世界，平衡地出現在另一個空間當中。（可以這樣說吧@_@）若然用電影表達，《猿人爭霸戰》所使用的概念和《Love Stone》的有點相似。

故事圍繞一對相戀已久的情人。故事中女主角希望結婚，可惜男主角卻說moment未到。結果，兩方爭執不下。然而，某天的晚上，兩人也夢到同一個夢：和現實相反的一個世界。結果，這對情人便嘗試「換侶」。

當然，故事並非這樣簡單，我亦很難在此詳述（事實上亦不太重要…想知詳情？有機會進場吧！）。重要的，是故事帶出了一個重要的問題：你愛對方甚麼。

我不知道這種歸納是否正確，但每個觀眾也會有自己的那個「薯仔」（不要搶我的T_T），正如每個人對inception的結局也有不同理解（其實那個結局有甚麼好爭論？）。

《Love Stone》的故事完結後有十分鐘休息。所謂的休息，就是我消化的時間。從此劇的演繹上，不斷借用旁白交代過去，有點《心跳五百天》的感覺，十分溫馨舒服，而故事的結尾亦十分窩心，教人舒服。故在整體上，十分不錯！

(轉channel!)係亂嗡一餐之後，好快就到左重點：《學校鬼上身事件簿》。點解係重點？因為Winnie囉！好大程度上我入場睇《謎》，都係因為Winnie。

(Winnie係我係前年，參加傑出演員訓練入面識倒既一個女仔。講起果屆既人馬，諗落都好鬼勁，有同樣參與《謎》，不過轉戰幕後既Zechs啦，有吸納左唔小fans既萬人迷豆丁啦，極有潛質同熱誠既中英數等等（要講有排講，不過真係好勁！）…果年佢地比左超多經驗我，有機會參加果年既訓練，我無悔喇 T___T)

故事內容主要講發生係1993年既一件「真人真事」(事實上亦無從考究)，講述一個女生因為玩X仙而鬼上身，結果跳樓身亡。

事實上，X仙X仙係十幾年前一個好流行既玩意，而且因為玩X仙而出事既事件亦都唔少。（據聞有人玩X仙問公開試題目，結果放榜身中多槍(F)）

故事既表面問題係：你信唔信有鬼。由於呢排我睇左《升降凶間》，某程度上我會認為有既。(信唔信都唔太重要，我地遲早都會知…)不過，劇本係另一邊，就表達左一D我地應該更加去關注既事：老師過份既行政工作。

故事入面，跳樓身亡既女仔係佢開學既第一份作文(題目係自我介紹)，已經暗示到有問題既存在。不過由於老師要開會既關係而未被留意。結果，問題出現。

問題呢兩個字只會係某D事真正難以去解決既時候先會出現。而往往問題未正式變為問題既時候，係無人會去理會架。父母係怪責仔女有事唔講既時候，係唔會諗倒個仔女想講既時候，自己係邊架。（嘩，一連幾個"既時候"，我諗我都係時候…）延伸開去，就係一D思覺失調既病患者…結果，D人只好借口「鬼上身」去合理化整件事。

其實呢個故事：《學校鬼上身事件簿》，我幾鐘意佢既表演方法，用一個類似紀錄片既說事技巧，好迅速咁去吸引觀眾投入。而且亦於涉及到緊張既氣氛，好明顯咁，呢一幕既觀眾係最留神！

不得不題，就係Winnie喇。Winnie今次既演出其實我幾估唔到。第一年既《我在生戲》，我無咩機會去睇佢做戲（唉好難分心麻…），結果呢，真正去睇班傑演做戲係岩岩《我在生戲2》既時候。其實係《我在生戲2》果陣，我已經覺得Winnie做戲好鬼正架喇，點知今次仲正！一次過做兩種性格既人，一D都唔易架！不過呢，我覺得，都係短左小小 :P

不過點都好，多謝你丫winnie :PPPPPPP 好彩有黎到 ^_^

其實《謎城十月》仲有多個故事：《我們倆》，不過太夜唔講住(其實三套入面，最需要用腦既係呢套！)，講左Sandy既《Over the Rainbow》先！

《Over the Rainbow》既制作背景，係希望一班年青人，透過夾band、跳舞、話劇等等，去從新認識同了解自己。而呢套劇入面，佔左大部份時間都以舞蹈既形式去表達。

講真，我好唔鐘意自己係毫無了解既情況下入場去睇一套自己完全唔識既劇。咩叫唔識？以舞蹈為例啦，今次既舞蹈主要以「街舞」為主要既表達方式，但係我就完全唔識。對於「舞」，我只係諗倒一大堆既電影：Step Up、Fame、Billy Elliot等等。好啦，咁唯有靠估。

故事其實真係好簡單，主要透過綠野仙蹤既主題曲：over the rainbow去連貫整個故事。同樣都係透過尋找，去搵返一D唔見左既野。

講真，今次呢套劇，我無太留意故事既去向，我留心既，係佢地呢一班既年青人。

「舞」呢樣野呢，好容易就會扯上「夢想」（St.B既Drama Club一眾小演員，黎緊既戲劇節都會揀呢樣野做主題），而今次呢班年青人，的確比我感受到佢地既力量。

尼采都曾經講過「人因夢想而偉大！」(其實無無睇過有關尼采既野 :P)我唔知台上既一班演員，有幾多個真係會堅持倒繼續去跳舞夾band做自己真係鐘意做既野，不過我知道佢地已經為今次既演出而流左好多汗水。當臨尾謝幕既時候，我見倒佢地一個二個帶住條汗斤係咁抹，望過去都覺得個畫面靚。（同樣啦，入面有一幕係有個男仔，一個人係台中間吹Saxophone，睇落去都Sexy，如果無觀眾，個畫面會仲靚！）

呢套野長就唔算長，一個鐘倒就完。不過真正入戲肉既係完場之後，統籌一個一個去同演員既屋企人講多謝果陣。講真，真係好感動。家既力量其實真係好大，正如個統籌（好似叫輝哥？）講：我支持佢地既時間，點都比唔上你地。對於佢地一班年青人黎講，家人既支持，力量係最大架。

正如融哥仔講：睇親佢地做戲自己都好想做。其實有邊個「演員」又真係唔想做丫…我每次睇佢地演出既時候，我自己都會不停咁諗：我做緊咩呢？有時候，如果真係想去做一樣野，不如真係比心機去做。機會唔係成日有，而且有又未必可以去爭取倒。(唉，其實上次我在生戲2我真係勁想參與架…)

返返《Over the Rainbow》先，演員方面呢個「北方女巫」其實勁突出！好有潛質！！而另一個好出色既演員就係sandy喇。

講起sandy，加加埋埋都有5年喇。我識佢果陣佢幫緊學校DRAMA整電視。點知轉個頭，佢已經做左幾次既公開演出，而且跳舞亦都有一定既經驗。（仲努力緊學鼓！）不過呢一直以黎都無試過台上台下咁睇佢演出，今次係第一次。

睇得出佢今次試左好多新野，包括佢一直好想試既果種「港女式」性格，唱歌等等，而且中間有一段既內心戲做得好好（雖然我無帶眼鏡T_T），有一種忽然覺悟既味道。我越黎越鐘意呢個演員喇。

返屋企既途中，我忽然諗：十年之後係The Merchant of Venice見倒既會唔會係Sandy呢？係聖荷西謀殺案大放異彩既會唔會係Winnie呢？新一代香港戲劇團既領軍會唔會係Zechs呢？

(廢UP完畢，一句講晒：Good ShowS!)